19 окт 14:04
Янгиликлар

Теннис

Антверпен. Стэн Вавринка ярим финалга йўл олди

Сайёрамизнинг 18-рақамли теннисчиси Стэн Вавринка Антверпен шаҳрида давом этаётган мусобақадаги муваффақиятли юришини давом эттирмоқда.

Швейцариялик теннисчи "European Open"нинг чорак финалида франциялик Жил Симонга қарши баҳс олиб борди. Икки соату 14 дақиқа давом этган учрашувда Вавринка рақибини 6:3, 6:7, 6:2 ҳисобида таслим этди. Энди Стэн финал йўлланмаси учун италиялик Янник Синнерга қарши баҳс олиб боради.