23 янв 18:13
Янгиликлар
Теннис
AO-2026. Камилла Раҳимованинг жуфтлик беллашувларидаги кейинги рақибалари номи маълум бўлди
Австралиянинг Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионатининг жуфтлик баҳслари давом этмоқда.
Маълум қилганимиздек, аёллар ўртасидаги жуфтлик баҳсларида мамлакатимизнинг биринчи рақамли ракетка устаси Камилла Раҳимова нейтрал мақомдаги Анна Блинкова билан ҳамкорликда иштирок этмоқда. Спортчилар кеча тонгда турнирнинг илк даврасида Хитой Тайпейи вакиласи Чань Хаоцин ва хитойлик Цзян Синью жуфтлигини 3/6, 7/5, 7/6(тай-брекда 10/1) ҳисобида мағлубиятга учратган эди.
Камилла ва Анна энди иккинчи давра босқичида америкалик теннисчилар — Хейли Баптист ҳамда Пейтон Стернс жуфтлигига қарши кортга чиқади. Ўйин эртага тонгги 9:00 да бошланиши белгиланган.
Ҳавола :
Манба : olamsport.com
Фикрлар