АПЛ клублари агар молиявий қонунбузарликлар исботланса, "Ман Сити"ни лигадан четлатишларини истамоқда

"Манчестер Сити"нинг молиявий қоидабузарликлари бўйича АПЛ клубларининг позицияси маълум бўлди.

"Sky Sports" хабарига кўра, кўплаб клублар "Манчестер Сити" 9 мавсум давомида молиявий қоидаларни бузганликда айбдор деб топилса, АПЛдан четлатилишини хоҳламоқда. "Манчестер Сити"нинг айби исботланган тақдирда, уларга нисбатан ҳамдардлик билдирилмайди.

"Катта олтилик" деб аталадиган клублар "Ман Сити" билан боғлиқ масалага алоҳида эътибор қаратмоқда. Олтиликка "Сити"дан ташқари "Манчестер Юнайтед", "Ливерпуль", "Арсенал", "Челси" ва "Тоттенхэм" киради.

Қайд этилишича, жазо сифатида "Ман Сити"ни совринлардан маҳрум қилишдан маъно йўқ. АПЛдагиларнинг фикрича, бу кераксиз чалкашликларни келтириб чиқаради. Жарима барча мумкин бўлган жазо усулларидан энг кам самара келтирадигани ҳисобланади.

Маълумот ўрнида, "Манчестер Сити" сўнгги 11 йил ичида 6 марта АПЛ чемпионлигини қўлга киритган.