10 июн 12:16
Янгиликлар

Бокс/ММА

АҚШнинг Олимпиада учун таркиби маълум. Баҳодир Жалолов вазнида "зарбасиз" Жошуа!

Бокс бўйича АҚШ терма жамоаси мураббийлар штаби Париж-2024 Олимпиадасида иштирок этадиган таркибни эълон қилишди.

АҚШ эркаклар терма жамоаси сафида 4 нафар боксчи Олимпия ўйинларида иштирок этади: Роско Хилл (51 кг), Жамал Харви (57 кг), Омари Жонс (71 кг) ва Жошуа Эдвардс (92+ кг).

Энг оғир вазн тоифасида ҳамюртимиз Баҳодир Жалолов амалдаги Олимпиада чемпиони ҳисобланади. У Токио-2020 Олимпиадаси финалида америкалик Ричард Торресни мағлубиятга учратганди. Бу вазнда шуниндек, қозоғистонлик Камшибек Кункабаев ҳам бор.

Қизиқ статистика, Жалолов ҳаваскор боксда 27 та нокаут (BoxRec маълумоти) қайд этган. Кункабаевда — 13 нокаут! Жошуа Эдвардс эса муддатидан аввал қозонилган ғалаба умуман йўқ экан.