UZ

Сўнгги янгиликлар

18:18Уайлдер: Биз жим туришдан чарчадик 0 17:42Нима учун ёзда велоспорт билан шуғулланиш керак? 0 16:16"Интер" тарихидаги энг кучли рамзий жамоа тузилди 0 15:40Диетолог маслаҳати: машғулот вақтида сувни истеъмол қилиш қоидалари 0 15:01Хирн июль ойига мўлжал қилмоқда 0 14:38"Фьюри - Уайт жангини ташкил этишдан маъно кўрмаяпман" 0 13:14Хакими "Реал"га қайтади ва клуб билан янги шартнома имзолайди 0 12:38Пакьяо Головкин билан жанг учун вазнини ўзгартиришга тайёр 0 12:04Спортчилар ижтимоий тармоқларда (20 та сара сурат) 0 11:42Бразилия ўз Олимпиячиларини Европага жўнатади 0 11:20МЮ "янги Месси" курашга қўшилди 0 10:58NBAда фақат битта клуб карантинда қоляпти 0 10:36Даҳшат! UFC президенти йигитларини тартиб ўрнатиш учун АҚШ кўчаларига ташламоқчи 0 10:14Густафссон қайтмоқда, у Вердумга қарши октагонга чиқади 0 09:51Мертенс келажаги борасида бир қарорга келди 0

20 авг 12:06
Янгиликлар

Болалар спорти, Сув спорти турлари

“Арбек”да янги сув спорти саройи фойдаланишга топширилди ФОТОГАЛЕРЕЯ

Мамлакатимизда Ўзбекистон жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси маблағлари ҳисобидан бунёд этилаётган муҳташам ва замонавий андозалар асосидаги спорт иншоотлари ёшларни маънан ва баркамол руҳда вояга етказиш йўлида хизмат қилмоқда.

Хоразм вилоятининг Шовот туманидаги “Ўзбекистон” қишлоғининг “Арбек” маҳалласида қад ростлаган “Болалар сув спорти саройи” ҳам юртимизда олиб борилаётган ислоҳотлар самараси ҳисобланади. 

Бу ерда тўлақонли машғулотлар ўтказиш учун шарт-шароит ва имкониятлар муҳайё қилинган. Қолаверса, 11х25 метр ўлчамли сузиш ҳавзаси, спортчиларнинг ечиниб-кийиниш, ювиниш хоналари сув спорти ихлосмандлари ихтиёрида. Шунингдек, лаборатория, тиббиёт, мураббийлар хоналари ва бошқа инфратузилмалар ҳам кўнгилдагидек.

“Болалар сув спорти саройи” туман марказидан  бироз узоқда жойлашган. Бу чекка ҳудудларда яшовчи сув спорти ихлосмандларига анча қулайликлар яратмоқда. Спорт объекти жойлашувининг  яна бир аҳамиятли жиҳати шундаки, унинг атрофида “Ўзбекистон” қишлоғидан ташқари, “Чўқли”, “Чиғатой қалъа”, “Ижтимоят”, “Қангли” ва “Ҳуррият” қишлоқлари ҳам жойлашган. 

Ушбу қишлоқларнинг сув спорти саройигача бўлган оралиқ масофаси эса бор-йўғи бир километрдан тўрт километргача.  Демак, у ерда қўшни қишлоқлар аҳолиси, жумладан, ёшлари сув спорти турлари билан шуғулланиш имкониятига эга.

Куни кеча “Болалар сув спорти саройи”  тантанали тарзда фойдаланишга топширилди. Унинг очилишига бағишланган маросим байрамона тарзда ташкил этилди. Унда Хоразм вилояти ва Шовот тумани ҳокимлиги, Ўзбекистон жисмоний тарбия ва спорт вазирлиги, давлат ва жамоат ташкилотлари вакиллари, фахрийлар, ёшлар ҳамда оммавий ахборот воситалари ходимлари қатнашдилар.

Тадбирни Шовот тумани ҳокими Ҳакимжон Отахонов очиб берди. Сўнгра, сўзга чиққан Ўзбекистон Республикаси Олий Мажлиси Сенати комиссия раиси Толибжон Мадумаров, Ўзбекистон жисмоний тарбия ва спорт вазири ўринбосари Шарифжон Мўминжонов, Хоразм вилояти ҳокими ўринбосари Санъат Салаев, “Нуроний” жамғармаси туман бўлими раиси Қадамбой Матсапаевлар юртимизда мустақиллик йилларида амалга оширилган ислоҳотлар Ўзбекистонимиз нуфузини кўкларга кўтаргани, салоҳиятини оширганини эътироф этишди. 

Спорт соҳасида ҳам юксак чўққилар эгалланаётгани, бунинг баробарида, ўзбекистонлик спортчилар орасидан жаҳон, Осиё чемпионатлари, Олимпиада ўйинлари ва нуфузли халқаро мусобақаларнинг ғолиб ва совриндорлари етишиб чиққанлиги ва чиқаётганини фахр билан тилга олишди. 

Фойдаланишга топширилаётган замонавий “Болалар сув спорти саройи” мустақиллик байрами арафасида ҳукуматимиз томонидан шовотлик ёшларга, туман аҳолисига ўзига хос байрам туҳфаси бўлганлигини таъкидлашди. 

Икром ХУДОЙБЕРГАНОВ, Шовот туманидан махсус

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг