27 апр 19:22
Янгиликлар

Футбол

Арда Гюлер ажойиб натижа қайд этмоқда

Турк футболчиси ўзига берилган имкониятдан максимал фойдаланмоқда.

"Реал" клуби футболчиси Арда Гюлер "Реал Сосьедад"га қарши ўйиннинг 29-дақиқасида ҳисобни очган ва бу гол учрашувда ягоналигича қолганди. Бу Гюлернинг Ла Лигадаги сўнгги учта ўйиндаги иккинчи голи ҳисобланади.

Аввалроқ, 19 ёшли футболчи "Селта" дарвозасини ҳам ишғол қилганди. Гарчи, Арда кўп ўйин амалиётига эга бўлмаётган бўлса ҳам ўзига берилган дақиқалардан максимал фойдаланмоқда. Гюлер бугунги голи урилган дақиқага қадар Ла Лигада умумий ҳисобда 70 дақиқа ҳаракат қилганди.

Маълумот учун, Арда Гюлер "Реал Сосьедад"га қарши ўйинда Ла Лига доирасида илк марта бошланғич таркибда майдонга тушди.