Ариэль Хельвани: "Шевченконинг UFC унвонидан воз кечиши ихтиёрий бўлмаган"

Ариэль қирғизистонлик аралаш яккакураш устаси камардан воз кечиш қарори мажбурий бўлганини ва бу қарор унинг ўз хоҳиши билан қабул қилинмаганини таъкидлайди. Бу ҳақда унинг ўзи навбатдаги таҳлилий дастурида вазиятга яқин манбалар билан суҳбатлашганидан сўнг маълум қилди.

"Унда ҳали ҳам ўзини сездириб тураётган жароҳат борми? Ҳа. Агар UFC`да 3 октябрга бошқа чемпионлик жанги бўлганида, у чемпион бўлиб қолармиди? Ҳа. У бу камардан ихтиёрий равишда воз кечдими? Йўқ. Аниқ йўқ!

Уларга чемпионлик жанги керак эди. UFC`дагилар унга шундай дейишди: "Қачон қайтсан? Қарорингни адолатли тарзда қабул қиламиз ва чемпионлик жанги ўтказамиз". Уни ноқулай ҳолатга тушириб қўйишди – у танловга эга эмас эди", – деди Хельвани.

Валентина Шевченко ҳозирча бу маълумотга очиқ тарзда изоҳ бергани йўқ, аммо ўтган дам олиш куни UFC 332 турнирида вакант чемпионлик камарини қўлга киритган бразилиялик Наталия Сильвани ғалабаси билан табриклади. Наталия ҳакамларнинг якдил қарори эвазига хитойлик Ван Конгни мағлуб этган эди.