05 сен 09:55
Янгиликлар
Теннис
Арина Соболенко: "Камилла — ҳақиқий жангчи!"
Дунёнинг биринчи ракеткаси Арина Соболенко US Open 2026 турнирининг учинчи даврасида Ўзбекистоннинг иккинчи ракеткаси Камилла Раҳимовага қарши қийин учрашув ўтказганини тан олди.
Беларуслик теннис маликаси учрашувдан сўнг ҳамюртимизнинг иккинчи сетдаги ўйинига юқори баҳо берди.
"У ақлбовар қилмас теннис намойиш этди ва иккинчи сетда ҳақиқатан ҳам бор кучимни ишга солишга мажбур қилди. Учрашувни икки сетда якунлай олганимдан жуда хурсандман, чунки Камилла — ҳақиқий жангчи!", — деди Соболенко ўйиндан кейинги матбуот анжуманида.
Жаҳоннинг биринчи ракеткаси Ўзбекистон вакиласи Камилла Раҳимовага қарши кечган баҳсда 6/3, 6/4 ҳисобида ғалаба қозонди.
Ҳавола :
Манба : gotennis
Фикрлар