19 янв 13:05
Янгиликлар

Бокс/ММА

Арман Царукян: "Иккала ҳолатда ҳам пул оламан"

Енгил вазн тоифасида (70 кг гача) UFC рейтингининг биринчи рақамли жангчиси Арман Царукян ўзига нисбатан билдирилаётган танқидларга муносабат билдирди.

Бир ҳафта мени яхши кўришади, бир ҳафта нафратланишади. Қизиғи, иккала ҳолат учун ҳам пул оламан", - деб ёзди Царукян ижтимоий тармоқда.

Россиялик 29 ёшли аралаш яккакураш устаси ММАдаги дебютини 2016 йилда ўтказган. 2019 йилдан бери UFC’да иштирок этиб келмоқда. Ноябрь ойида Доҳада (Қатар) бўлиб ўтган UFC Fight Night 264 турниридаги сўнгги жангида Царукян австралиялик Дэн Хукерни бўғиш усули билан мағлуб этгади.