Арман Царукян Ислам Махачев билан жанги бекор бўлганига муносабат билдирди

Промоушен раҳбарлари ушбу жанг учун захира варианти бўлмагани учун қийин ҳолатга тушиб қолишди. Бу вазиятда Ислам Махачев иштирокидаги жанг бекор бўлиши, Мераб Двалишвили иштирокидаги чемпионлик баҳси UFC 311 турнирининг марказий тўқнашувига айланиши мумкин эди. 

Аммо қисқа фурсатда UFC босслари Ренато Мойканони Ислам Махачевга янги рақиб сифатида беришди. Енгил вазн тоифаси UFC рейтингида 10-ўринни эгаллаб турган бразилиялик аралаш яккакураш устаси аслида UFC 311 турнирида америкалик Бенил Дариушга қарши октагонга чиқиши керак эди. Марказий жангни сақлаб қолиш учун ташкилотчилар Даруишни қурбон қилишди.  

"Афсус билан шуни маълум қилмоқчиманки, вазн ташлаш жараёнида белимдан олган жароҳатим UFC 311 турнирида иштирок эта олмайман. Ҳа, шундай бўлиб қолди. Бу фаолиятимдаги энг қийин қарор бўлди. Мени тушунишгани учун промоушен раҳбаларига миннатдорлик билдираман. Сабрсизлик билан кейинги чеемпионлик имконияти тақдим этилишини кутаман", - деди Царукян.