Арман Царукян Ислам Махачевнинг рекордини янгиламоқчи

Бироқ россиялик енгил вазнли жангчи UFC чемпиони мақомида ҳамюртининг ютуғини янгилай олишига ишонмоқда. Махачев ҳозирда тўртта ҳимоя жанги билан дивизион рекордчиси ҳисобланади.

"Камида бешта чемпионлик ҳимоясини ўтказмоқчиман. Енгил вазн дивизиони рекордини янгилаш ниятидаман. Исламда тўртта ҳимоя бор эди, шу боис мен бештасини ўтказмоқчиман. Кейин эса кўрамиз: ё фаолиятимни якунлайман ёки ярим ўрта вазнга кўтариламан, лекин бунинг учун вазн тўплашим керак", — деди Царукян "Deep Waters" подкастида.

Енгил вазн дивизионида кетма-кет ҳимоя жанглари сони бўйича рекорд ўрнатган Ислам Махачев чемпионлик камарини бўшатиб, ярим ўрта вазнга кўтарилди. У ерда австралиялик Жек Делла Маддаленадан чемпионлик камарини тортиб олди, сўнгра ирландиялик Йен Мачадо Гэррини ҳакамларнинг якдил қарори билан мағлуб этиб, муваффақиятли ҳимоя қилди.

Арман Царукяннинг сўзларига кўра, дунёнинг энг кучли лигаси раҳбарияти, агар у 19 сентябрь куни Лос-Анжелесда бўлиб ўтадиган UFC 331 турнирида бразилиялик Маурисио Руффини мағлуб этса, унга чемпионлик жанги учун имконият тақдим этишга ваъда берган.