19 июл 09:27
Янгиликлар

Спорт курашлари

Арман Царукян камар учун кечган жангда илк бор ютқазди

Ўтган йили бир ўлиб тирилган америкалик собиқ UFC жангчиси Бен Аскрен эса собиқ чемпион Белал Муҳаммад билан ҳисоб-китоб қилди.

АҚШнинг Милуоки шаҳрида ташкил этилган эркин кураш қоидалари асосидаги RAF 11 турнирининг асосий ва co-main event беллашувлари таниқли UFC жангчилари иштирокида кечди.

Асосий жангда Арман Царукян ярим ўрта вазнда собиқ вақтинчалик UFC чемпиони америкалик Колби Ковингтонга қарши гиламга чиқди. Беллашувда 5-3 ҳисобида ғалаба қозонган Ковингтон RAF Crossover чемпионлик камарини қўлга киритди. Бу Арманнинг RAF лигасидаги илк мағлубияти бўлди. Бунгача у 6 та беллашувнинг барчасида зафар қучган эди.

Оқшомнинг аҳамияти жиҳатидан иккинчи муҳим баҳсида асли фаластинлик ярим ўрта вазн тоифасида собиқ UFC чемпиони Белал Муҳаммад ўтган йили энг оғир ўпка кўчириб ўтказиш операциясини бошдан кечирган Бен Аскренни очколар ҳисобига кўра енгди.