Арман Царукян кетма-кет тўртинчи ғалабасини қўлга киритди

Енгил вазн тоифасида UFC чемпионлик камари учун собиқ даъвогар RAF 8 кураш турнирининг асосий беллашувида америкалик 46 ёшли Юрайя Фейберга қарши баҳс олиб борди. Эркин кураш қоидалари бўйича ўтказилган беллашув 13-1 ҳисобида Царукяннинг ғалабаси билан якунланди. Бу Арман учун ташкилотдаги кетма-кет тўртинчи ғалаба бўлди.

Маълумот учун, 29 ёшли Арман Царукяннинг ММАдаги профессионал рекордида 23 ғалаба ва 3 мағлубият бор. Ғалабаларининг 15 таси муддатидан олдин қўлга киритилган. Профессионал сифатида "Ахалкалакетс" 2015 йил сентябрь ойида аралаш яккакурашларда дебют қилган. Арман 2019 йилнинг апрель ойидан бошлаб UFC`да ўз жангларини ўтказиб келмоқда. Эркин кураш ва ММА бўйича спорт устаси.

Фейбер эса 2003 йилдан 2019 йилгача ММАда профессионал даражада фаолият юритган. Унинг рекордида 35 ғалаба ва 11 мағлубият бор. У UFC чемпионлик камари учун тўрт марта жанг қилган.