Арман Царукян: "Мақсадим - UFC чемпиони бўлиш!"

Енгил вазн тоифаси UFC рейтингида иккинчи ўринни эгаллаб турган Арман Рио-де-Жанейрода Hype FC промоушени томонидан ташкил этилган грепплинг қоидалари асосидаги турнирда BRAVE чемпиони Муҳаммад Мокаевни бўғиш усули эвазига мағлубиятга учратганди. 

Ғалабадан сўнг Царукян енгил вазн тоифасида UFC чемпионлигини қўлга киритиш асосий мақсади бўлиб қолаётгани, аммо промоушен раҳбарияти унга буни бермаётгани, кураш турнирларида иштирок этишни давом эттиришга тайёрлигини айтди.

"Бу шунчаки қўшимча иш. Мақсадим - UFC чемпиони бўлиш. Тез орада UFC ва BMF камарларини қўлга киритаман", - деди Царукян.

Шунингдек, Арман Царукян машҳур жангчи ва грепплер Диллон Дэнис ва BMF камарининг янги соҳиби Чарльз Оливейра (у ҳам кураш техникаси билан танилган ва UFC`да кўплаб ғалабаларга эришган)ни грепплинг жангига чақирди.