Арман Царукян: "Мен учта раундда ютдим, ҳакамлар қайси жангни кўришди, очиғи тушунмадим"

"Нима бўлганини тушунмадим. Мен жангга яхши тайёргарлик кўргандим. Бугунги жангимга нисбатан анча яхши ҳаракат қилишим мумкин эди. Бу мен учун биринчи беш раундлик жанг бўлди. Мен хатоларим устида ишлашда давом этаман. 

Мени қўллаб-қувватлаб турганлардан бугунги мағлубият учун узр сўрайман. Лекин нима бўлган тақдирда ҳам, мен бугунги жангда ғалаба қозонгандим. Бешта раунднинг учтасини ўз фойдамга ҳал қилгандим. 

Очиғи, ҳакамлар қайси жангни кўришган тушунмадим. Мен ҳали қайтаман, чунки ҳали анча ёшман", - деди Арман.