Арман Царукян навбатдаги жанги тасдиқланди + ПОСТЕР

Арман Царукян ва америкалик Жоржо Пуллас ўртасидаги реванш беллашуви 28 март куни АҚШнинг Флорида штати Тампа шаҳрида бўлиб ўтадиган RAF 7 турнирининг асосий воқеасига айланади. 

Профессионал кураш лигаси ушбу такрорий баҳсни расман эълон қилди. Илк беллашув бир ҳафта олдин RAF 6 турнирида бўлиб ўтган ва Арманнинг 5:3 ҳисобидаги ғалабаси билан якунланганди. Аммо финал сиренасидан сўнг россиялик жангчи учта бўлимда ҳам қоидаларни бузган ва жангни "ифлос" ўтказган рақибга муштлари билан ташланиб, жамоалар ўртасида оммавий муштлашувни келтириб чиқарганди.

Тадбирдан икки кун ўтиб, Царукян ва Пуллас ўртасидаги грепплинг учрашуви 11 март куни Рио-де-Жанейрода бўлиб ўтадиган Hype Brazil турнирининг асосий воқеаси деб эълон қилинди. Лекин RAF лигаси америкалик тадбир иштирокчилари сафидан чиқишини ва россиялик билан фақат кураш гиламида рақобатлашишини айтди.