23 июл 17:49
Янгиликлар
Бокс/ММА
Арман Царукян навбатдаги жангини Чарльз Оливейрага қарши ўтказади — манба
UFC енгил вазн тоифасида рейтингнинг иккинчи поғонасидан ўрин олган, Арманистон шарафини ҳимоя қилаётган Арман Царукян навбатдаги жангини собиқ чемпион ҳамда BMF камари соҳиби Чарльз Оливейрага қарши ўтказади.
Бу ҳақда Red Fury MMA Х ижтимоий тармоғида хабар берди.
Бу икки жанговчи ўртасидаги реванш жанги бўлади. Улар илк бор 2024 йил 13 апрель куни октагонда тўқнаш келган ва ўшанда Арман Царукян ҳакамларнинг бўлинган қарори билан ғалаба қозонган эди.
29 ёшли Арман Царукян профессионал ММАда 26 та жанг ўтказиб, 23 ғалаба (шундан 15 таси муддатидан аввал) ва 3 мағлубият қайд этган. У профессионал фаолиятини 2015 йил сентябрь ойида бошлаган, 2019 йил апрелидан эса UFC билан ҳамкорлик қилиб келмоқда. Царукян эркин кураш ва ММА бўйича спорт устаси ҳисобланади.
Ҳавола :
Манба : Red Corner
Фикрлар