22 апр 11:34
Янгиликлар

Бокс/ММА

Арман Царукян Оливейрага қарши жанги учун қанча гонорар олганини айтди

Енгил вазн тоифаси UFC рейтингида биринчи ўринни эгаллаб турган Арман Царукян бразилиялик Чарльз Оливейрага қарши жангдан олган гонорарини очиқлади.

Даъвогарлик мақомидаги жангда Царукян собиқ чемпионни очколар ҳисобига кўра мағлуб этган эди. Аввалроқ Арманнинг ушбу жанг учун кафолатланган 160 000 доллар олгани айтилганди. Лекин жангчининг ўзи бу хабарни тасдиқламади.

"Йўқ, бу нотўғри хабар. Бу суммадан тахминан икки баробар кўп гонорар олдим. Кафолатланган гонорарим 300 000 доллардан кўп. Кейин гонорар ҳақида тарқатилаётган хабарлар асоссиз. Масалан, Дариушга қарши жангимда кечагисидан кўпроқ гонорар олгандим. Бошқа томондан, ҳозир мен ишлаб топаётган пулимга катта эътибор қаратмаяпман. Икки йилдан кейин барча ҳаражатларимни қоплайдиган гонорар олишимни яхши биламан. Ўшанда нафақат ҳозирги куним, балки эртанги кун учун ҳам сармоя кирита оламан", - деди Царукян.