08 мар 17:45
Янгиликлар

Бокс/ММА

Арман Царукян Топурия-Гэтжи жанги анонси ҳақида: "Улар вақтимни беҳуда ўғирлашяпти"

Енгил вазн UFC рейтингида иккинчи ўринни эгаллаб турган Арман Царукян ушбу вазн чемпиони Илия Топурия ҳамда вақтинчалик чемпион Жастин Гэтжи ўртасида эълон қилинган жанг ҳақида фикр билдирди.

Бу жанг 14 июнь куни Оқ уйда бўлиб ўтадиган UFC турнирининг асосий тўқнашуви бўлади. Ушбу тадбирнинг узоқ кутилган карди Царукян иштирокида Лас-Вегасда бўлиб ўтган UFC 326 турнири доирасида эълон қилинди.

"Илия ва Гэтжи - яхши жанг, аммо Жастинда имконият йўқ. Илиянинг бокси яхши ва ўйлашимча, у рақибини нокаутга учратади", - деди Царукян UFC’га берган интервьюсида.

"Шунчаки вақтларини кетказишяпти. Биласизми, менинг вақтимни кетказишяпти. Улар мени Илияга қарши қўйишлари керак эди. Мен ундан камарни тортиб олган бўлардим, бу мен учун енгил сайр бўларди", - дея қўшимча қилди Арман.

Топурия ўтган йилнинг ёзида камарни қўлга киритган, аммо оилавий сабаб танаффус қилишга мажбур бўлганди. Январь ойида америкалик Гэтжи Пэдди Пимблеттни мағлуб этиб, фаолиятида иккинчи марта енгил вазн тоифасида вақтинчалик чемпион бўлган эди.