03 сен 13:08
Янгиликлар
Бокс/ММА
Арман Царукян UFC'даги кейинги жангини ҳамюртимиз билан бир кардда ўтказиши мумкин, рақиб ҳам деярли аниқ
Red Fury нашрининг маълум қилишича, енгил вазн тоифасидаги таниқли UFC жангчиси Арман Царукян кейинги беллашуви учун шартномага имзо чеккан.
У 22 ноябрь куни Қатарда ташкил этиладиган UFC турнирида октагонга чиқиши айтиляпти. Хорижий нашрлар Царукянга турнир доирасида Дэн Хукер рақиб бўлишини ёзмоқда.
Царукян айни дамда енгил вазн тоифаси рейтингида биринчи ўринни эгаллаб турибди. Хукер эса олтинчи поғонада қайд этилган.
Аввалроқ, Қатардаги турнир доирасида ўзбекистонлик ярим оғир вазнли UFC жангчиси Богдан Гусков Польша вакили Ян Блахович билан жанг қилиши ҳақида хабар берилганди.
Ҳавола :
Манба : Red Fury
Фикрлар