Арман Царукян ярим йилга четлатилди

Россиялик аралаш яккакураш устаси UFC on ESPN 52 турнирининг асосий жангида Бенил Дариушни биринчи раунднинг 64-сониясидаёқ нокаутга учратган эди. Техас штатининг Атлетика комиссияси тиббий департаменти ушбу оқшомда октагонга чиққан жангчиларнинг ҳолати бўйича илк хулосаларини эълон қилинди. 

Ҳужжатларга кўра, Арман Царукян 180 кунга четлатилди. Шифокорларнинг қўшимча хулоласи 30 кундан сўнг айтилади. Арманнинг қандай жарохати борлиги хабарда очиқланмаган. Унинг рақиби Бенил Дариуш ҳам олти ой жанг ўтказа олмайди. 

Царукяннинг муддати камайтирилиши ҳам мумкин. У аввалроқ март ойида Ислам Махачевга қарши жанг ўтказишга тайёрлигини маълум қилганди. Ўз ўрнида Ислам ҳам Рамазонгача чемпионлик камарини ҳимоя қилиш истаги борлигини айтган эди.