Армрестлинг. Жаҳон чемпионатининг иккинчи куни 7 та медаль қўлга киритдик, шундан 4 таси олтин! ФОТОГАЛЕРЕЯ

Мусобақада дунёнинг 54 давлатидан спортчилар жаҳон чемпионати медаллари учун кураш олиб бормоқда. Улар қаторида Ўзбекистон терма жамоаси армрестлингчилари ҳам 4 ноябрга қадар давом этадиган жаҳон чемпионатида ўз маҳоратларини намойиш этишяпти. 

Қувонарлиси, мусобақанинг иккинчи куни ҳам ёш спортчиларимиз учун омадли келди. Чап қўлда ўтказилган биринчи кунги баҳсларда ҳамюртларимиз 5 та медалга эга чиқишган бўлса, кеча жаҳон чемпионатининг иккинчи куни ўнг қўлда ташкил этилган беллашувларда 4 та олтин, 2 та кумуш, 1 та бронза, жами 7 та медаль қўлга киритилди. 

Олтин медаль

-45 кг: Зарнигор Абдураҳимова

-50 кг: Ирода Қодирова

-60 кг: Назокат Солиева  

-70 кг: Балабек Исрофилов

Кумуш медаль

-65 кг: Зуҳра Хўжақулова

-65 кг: Саидмуҳаммадхон Аҳмадхонов  

Бронза медаль

-70 кг: Муҳаммадбобур Неъматуллаев

Маълумот учун, бугун жаҳон чемпионатининг учинчи кунида катталар ўртасидаги баҳслар бошланади.