Армрестлинг. Осиё чемпионатида 108 та медал билан иккинчи бўлдик ФОТОГАЛЕРЕЯ

6-12 июнь кунлари оралиғида бўлиб ўтган қитъа чемпионатида 16 давлатдан 1000га яқин армрестлингчилар иштирок этишди. Юртимиз шарафини эса Қурбон Конишев бошчилигидаги 120 нафар атлетимиз ҳимоя қилди. 

Осиё чемпионати кичик ўсмирлар (14-15 ёш), ўсмирлар (17-18 ёш), ёшлар (19-21 ёш), катталар (аёллар ва эркаклар), фахрийлар ҳамда жисмоний имконияти чекланган спортчилар ўртасида ташкил этилди. 

Ҳамюртларимиздан ўсмирлар ўртасида Назокат Сорлиева (60 кг), Зарнигор Абдураҳимова (45 кг), Сирож Турсунов (70 кг), Зуҳра Хўжақулова (65 кг) 2 тадан олтин медални терма жамоамиз ҳисобига қўшиб қўйишди. 

Пара армрестлинг баҳсларида иштирок этган бир неча карра жаҳон чемпиони Умиджон Аҳмедов 90 кг вазн тоифасида яна бир бор Осиё чемпионатининг олтин медалини қўлга киритди. 

Осиё чемпионати якунларига кўра Ўзбекистон терма жамоаси спортчилари 26 та олтин, 30 та кумуш, 52 та бронза медали билан умумжамоа ҳисобида иккинчи ўринни қўлга киритишди.