30 окт 10:55
Янгиликлар

Бошқалар

Армрестлингчиларимиз Жаҳон чемпионатининг илк кунидаёқ 5 та медаль қўлга киритишди, шундан 3 таси олтин!

Руминиянинг Константа шаҳрида армрестлинг бўйича ёшлар ва катталар ўртасида жаҳон чемпионати бўлиб ўтмоқда.

Мусобақада дунёнинг 54 давлатидан спортчилар иштирок этмоқда. Йигирма икки кишидан иборат Ўзбекистон делегацияси армрестлингчилари ҳам 4 ноябрга қадар давом этадиган жаҳон чемпионатида ўз имкониятларини мураббийлар кўригидан ўтказишади.

Қувонарлиси, мусобақанинг биринчи кунги баҳсларидаёқ ҳамюртларимиз 5 та медалга эга чиқишди. Ёшлар ўртасида ўтказилган чап қўл беллашуларида Зарнигор Абдураҳимова (-45 кг), Назокат Солиева (-60 кг), Балабек Исрафилов (-70 кг) жаҳон чемпионатининг олтин медалини қўлга киритди.

Мусобақада -65 кг вазн тоифасида юртимиз шарафини ҳимоя қилган Зуҳра Хўжақулова кумуш, -60 кг вазндаги юртдошимиз Муҳаммадбобур Неъматуллаев бронза медалларига сазовор бўлишди.