"Арсенал" форварди Мартинелли бутун фаолиятини Лондон клубида давом эттиришга тайёр

"Бизда кўплаб ёш футболчилар бор, олдинда вақтимиз кўп. Жамоа катта нарсаларга эришиш учун етарли сифатга эга. Биз Чемпионлар Лигасига эътиборимизни қаратганмиз ва чемпионатда топ-4га кирмоқчимиз. "Арсенал"дек клуб ЧЛда иштирок этиши керак.

Биз доим каттароғини хоҳлаймиз. "Арсенал" - катта клуб. Агар имкони бўлса, бутун фаолиятимни шу ерда ўтказаман. Мен шу ерда қолмоқчиман ва шериклар ва ажойиб мухлислар билан совринларни қўлга киритмоқчиман", - дейди Мартинелли.

Мартинелли "Арсенал"да 2019 йилнинг июлидан бери ўйнайди. 20 ёшли бразилиялик футболчи 2021/22 йилги мавсум "канонирлар" таркибида 23та ўйинда майдонга тушиб, 4та гол ва 3та ассист қайд этди.