“Арсенал” Жезуснинг трансферига қанча сарфлаши маълум

“Тўпчилар” футболчини сотиб олиш учун 52 млн евро сарфлайди. Томонлар бу масалада келишувга эришди. Ҳозирда лондонликлар форварднинг шартномаси борасида иш олиб бормоқда ва шундан сўнг трансфер расман эълон қилинади.

Бразилия терма жамоаси аъзоси якунланган мавсум “шаҳарликлар” либосида 41 баҳсда қатнашиб, 13+12 натижа кўрсатди. Унинг клуб билан амалдаги шартномаси 2023 йил ёзида ўз ниҳоясига етади.