19 мар 21:18
Янгиликлар

Бокс/ММА

Асадбек Мамажонов Наврўз байрами куни Қозоғистонда жанг ўтказади + ПОСТЕР

21 март куни Қозоғистоннинг Алмати шаҳрида навбатдаги профессионал бокс кечаси ташкил этилади.

Биз учун аҳамиятлиси, унинг доирасида ўзбекистонлик проф боксчи Асадбек Мамажонов ҳам ўз жангини ўтказади. -57 кг вазн тоифасида ўз жангларини ўтказиб келаётган ҳамюртимиз "Алмати Арена"да ўтажак жангда қозоғистонлик боксчи Жолдас Жениссовга қарши рингга кўтарилади.

Ушбу жанг 6 раунд этиб белгиланган. Чарм қўлқоп устамиз мураббий Ферузбек Йўлдошев ва яна бир боксчимиз Бекзод Исадуллаев ҳамроҳлигида Қозоғистонга жўнаб кетди.

Маълумот учун, Асадбек Мамажонов проф рингда 4 та жанг ўтказиб, барчасида ғалаба қозонган. Битта жангда рақибини муддатидан аввал таслим эта олган. Женнисов эса 5 та жангининг барчасини ўз фойдасига ҳал қилган. Икки жанг муддатидан аввал якунига етган.