Асакада замонавий дзюдо зали фойдаланишга топширилди

Мазкур топшириқлар ижросини таъминлаш мақсадида Андижон вилоятининг Асака шаҳридаги 34-умумтаълим мактаби ҳудудида барча замон талабларига жавоб берувчи дзюдо зали маҳаллий ёшлар ихтиёрига топширилди. 

Ушбу енгил конструкцияли (сендвич панелли) дзюдо залининг тантанали очилиш маросимида Халқ та`лими вазири Бахтиёр Саидов, Ўзбекистон дзюдо федерацияси раиси ўринбосари Зафар Мамажонов, Андижон вилояти спорти мутасаддилари иштирок этишди. 

Сўзга чиққанлар қисқа фурсатда бунёд этилган дзюдо зали маҳаллий ёшлар ҳамда мактаб ўқувчилари учун чинакам совға бўлгани, келажакда ушбу спорт масканидан Олимпиада ва жаҳон чемпионлари етишиб чиқиши, энг муҳими, ушбу зал дзюдо билан шуғулланган ёшларнинг бўш вақтларини мазмунли ташкил этишлари, саломатликларини янада мустаҳкамлашлари учун хизмат қилишини алоҳида таъкидладилар.            

Жажжи болажонларнинг қўшиқ куйлаб рақсга тушишлари, ёш дзюдочиларнинг кўргазмали чиқишлари тантанали очилиш маросимига йиғилганларга завқ ва кўтаринки кайфият бағишлади. 

Маълумот учун, Ўзбекистон дзюдо федерацияси, Халқ таълими вазирлиги ҳамда қатор ташкилотлар ҳамкорлигида қуриб фойдаланишга топширилаётган ихтисослаштирилган дзюдо мажмуалари сони 9 тага етди. 

Шу кунгача Тошкент, Самарқанд, Қўқон, Навоий, Гулистон, Жиззах, Термиз шаҳарлари ҳамда Қорақалпоғистон Республикасида худди шундай дзюдо заллари фойдаланишга топширилган эди.