02 янв 18:52
Янгиликлар

Теннис

ASB Classic. Эмма Радукану ҳам "буюк қайтиш" қилди

Дунё рейтингида 301-поғонада бораётган Эмма Радукану узоқ танаффусдан сўнг яна катта теннисга қайтди.

Британиялик теннис маликаси Янги Зеландиянинг Окленд шаҳрида ўтказилаётган ASB Classic турнирида иштирок эта бошлади. Эмма илк даврада WTA рейтингида 134-ўринни эгаллаб турган руминиялик Елена Габриэла Рузени 6/3, 4/6, 7/5 ҳисобларида таслим этди.

Бу теннисчиларнинг ўзаро ўтказган илк учрашуви эди. Икки соату 30 дақиқа давом этган баҳсда Радукану 3, Рузе 2 та эйс зарбасини амалга оширди. Қўшхатолар 6 га 2 кўринишида Эмма "фойда"сига бўлди. Британиялик теннисчида рақибасига қараганда битта брейк кўпроқ бўлди - 6 га 5.

Энди Эмма Радукану ASB Classic турнирининг иккинчи босқичида украиналик Элина Свитолинага қарши кортга чиқади.