Ашхобод-2017. Медалларимиз сони 130 тага етди, бу борада иккинчи ўриндамиз!

Мусобақанинг кечаги кунги баҳсларидан сўнг терма жамоамиз ғазнасидаги умумий медаллар сони 130 тага етди. Шулардан 24 таси олтин медаллардир. Ҳисобимизда яна 30 та кумуш ва 73 та бронза медаллари бор. Умумжамоа ҳисобида 5-ўринни, умумий медалларимиз сони бўйича 2-ўринни эгаллаб турибмиз.

Биздан фақат Туркманистон терма жамоаси кўп медал жамғарган. Мезбонлар 89 та олтин, 70 та кумуш, 85 та бронза, жами 244 та медал жамғариб, умумжамоа ҳисобида ғолибликни қўлга киритиб улгуришди. Хитой терма жамоаси 93 та медал билан иккинчи ўринга мустаҳкам ўрнашиб олган. Чин юрти вакиллари ҳисобида 40 та олтин, 30 та кумуш, 23 та бронза медали бор. 

Кучли учликка Эрон терма жамоаси 35 та олтин, 22 та кумуш, 59 та бронза, жами 116 та медал билан якун ясаган. Тўртинчи ўринни Қозоғистон терма жамоаси банд этган. Ён қўшниларимизнинг олтин медаллари 28 тага етди. Биздан кейинги ўринлардаги Таиландда 21, Жанубий Кореяда 14 тадан олтин медал бор.