Ашхобод-2017 очилиши Рио-2016 ва Сочи-2014дан ҳам ўтиши кутилмоқда

Италиялик тадбиркор Марко Балич томонидан асос солинган мазкур компания катта спортдаги фаолиятини Туринда бўлиб ўтган қишки олимпия ўйинларидан бошлаган. Ундан кейин ташкилот Сочи-2014 ва Рио-2016 ўйинларини юқори савияда ўтишини ҳам таъминлади.

Ашхободдаги мусобақанинг очилиш ҳамда ёпилиш маросимлари ҳам айнан шу компанияга ишониб топширилган. Баличнинг иш принципи шундан иборатки, иккинчи мусобақаси ҳар доим биринчисидан зўр ўтиши керак. 

Шунинг учун ҳам бугунги очилиш маросимида томошабинлар турли ажойиб маросимларни кўриш имкониятига эга бўладилар. Байрам 2,5 соат давом этади. Унда Ўзбекистон Республикаси Президенти Шавкат Мирзиёевнинг ҳам қатнашиши кўзда тутлиган. 

V Ёпиқ иншоотлар мусобақасида 200 нафар мусиқачи, 7500 нафар актёр ва актрисалар ҳамда қўшиқчилар қатнашади. Мусобақаларнинг профессионал тарзда ўтишини айнан чет эллик мутахассислар таъминлаб турибдилар. 

Энг муҳими, Туркманистон мамлакатида Ўзбекистон делегациясига бўлган эътибор ҳар томонлама юқори. 

Нодирхўжа Юлдашев ва Анвар Илёсов

Туркманистон, Ашхобод