Асила Мирзаёрова эътироф этилди

Куни кеча “30 июнь – Ёшлар куни” муносабати билан Ўзбекистон ёшлар иттифоқида ўтказилган тантанали тадбирда бир қатор истеъдодли ёшлар мукофотланишди. Эътиборлиси, Пара атлетика бўйича Ўзбекистон Миллий терма жамоаси аъзоси Асила Мирзаёрева ҳам шу куни спортда эришган ютуқлари учун Ўзбекистон белгиси кўкрак нишони билан тақдирланди.

Таъкидлаш керакки, Асила Мирзаёрова 1999 йил Қашқадарё вилоятида таваллуд топган. Кўриш қобилиятини йўқотган ушбу спорчимиз 2016 йилдан буён Паралимпия бўйича Ўзбекистон терма жамоаси бош мураббийи Сардор Абдуҳалиқов қўл остида мунтазам шуғулланиб келмоқда.

Асила ўтган давр мобайнида Ёшлар ўртасида Осиё чемпионатида олтин медални қўлга киритди ва 2018 йил Индонезияда ўтказилган Осиё ўйинларида совриндор бўлди. Айни дамда у 2021 йил Токио мезбонлик қиладиган ёзги Паралимпия ўйинларига йўлланма қўлга киритиш арафасида турибди.