Асила Мирзаёрова Паралимпия ўйинлари рекордини янгилади

Пара енгил атлетика бўйича аёллар ўртасида Т11 классида узунликка сакраш баҳсида иштирок этаётган ҳамюртимиз Асила Мирзаёрова дастлабки уринишидаёқ 5,22 метр натижа қайд этиб, ушбу йўналишда Паралимпия ўйинлари рекордини ўрнатди.

Бундан аввалги рекорд 1996 йилги Атланта Паралимпия ўйинларида ўрнатилган бўлиб, испаниялик Ортиз 5 метру 7 сантиметр натижа қайд этганди. Асила 28 йил сақланиб турган Паралимпия ўйинлари рекордини янгилашга муваффақ бўлди.