Аскаров янги UFC чемпиони Фигейредога "вызов" ташлади

Аскаров якшанба тонгидаги ғалабасидан сўнг ўша куни UFC чемпионлик камарини қўлга киритган Дейвисон Фигейредони октагонга чорлади.

"Ташкилотнинг янги чемпиони Фигейредони ажойиб иштирок билан табриклайман. Мен бизнинг вазн тоифамизда ёрқин жанг намойиш этадиган, мухлисларга ёқадиган жанг кўрсатадиган шундай йигитлар борлигидан хурсандман. Фахрий жангчи Жозеф Бенавидесга ҳам раҳмат. Афсуски, бу ерда фақат кучлилар яшаб қолади. Фигейредо жангдан кейин UFCда фаол бўлиб қолишини айтди. Мен эса у промоушенга ўрганиб қолмасидан уни йўлдан супуриб ташлайман. UFC, Дэна Уайт, агар Фигередони қонини кўрмоқчи бўлсангиз, менга шартнома жўнатинг", — дея Инстаграм саҳифасида хабар қолдирган Аскаров.

Эслатиб ўтамиз, Фигейредо Жозеф Бенавидесни нокаутга учратиб, вакант бўлиб турган чемпионлик камарини қўлга киритган эди. Аскар Аскаров эса ҳакамлар қарорига кўра Алешандре Пантождан устун келганди.