Асосий жанги Холлоуэй - Оливейра бўлган UFC 326 турнирининг расмий постери эълон қилинди + ФОТО

UFC лигаси матбуот хизмати асосий жангида BMF камарининг амалдаги соҳиби америкалик Макс Холлоуэй ҳамда енгил вазн тоифасида собиқ UFC чемпиони бразилиялик Чарльз Оливейра ўртасидаги қарама-қаршилик бўлиб ўтадиган UFC 326 турнирига расмий постерни эълон қилди. Бу икки аралаш яккакураш устаси учун бу реванш мақомидаги жанги бўлади.

Эслатиб ўтамиз, Оливейра сўнгги жангини 12 октябрь куни Рио-де-Жанейрода бўлиб ўтган UFC Fight Night 261 турнири доирасида ўтганди. Ўшанда у ўз ватандошлари кўз ўнгида польшалик Матеуш Гамротни иккинчи раундда бўғиш усули билан мағлуб этган эди.

Макс Холлоуэй эса 20 июль куни UFC 318 турнирида бўлиб ўтган сўнгги жангида ҳамюрти Дастин Порьега қарши октагонга чиққанди. Жанг тўлиқ беш раунд давом этган ва якунда ҳакамларнинг якдил қарори билан Холлоуэй ғалаба қозонганди.