15 фев 14:55
Янгиликлар
Бокс/ММА
Аспиналл UFC 300'да жанг қиладими? Унинг ўзи бу саволга жавоб берди
Оғир вазн тоифасида UFC вақтинчалик чемпиони Том Аспиналл UFC 300 мусобақасида ярим оғир вазн чемпиони Алекс Перейра билан жанг қилиши ҳақидаги миш-мишларга ойдинлик киритди.
"Мен UFC'га турнирда қатнашишга тайёр эканлигимни айтдим. Улар менга Стипе Миочич билан жанг қилишни таклиф қилишди, мен эса рози бўлдим. Бир соат ўтганидан кейин эса Стипе Жон Жонс билан жанг қилмоқчи эканлиги маълум бўлди. Бу вақтда Перейранинг оғир вазн тоифасига ўтиши мумкинлиги ҳақида гап-сўзлар юрганди. Алекс ва мен ижтимоий тармоқларда бир-биримизга бироз "трештокинг" уюштирдик. Аммо бизнинг бир нечта умумий дўстларимиз бор ва маълум бўлишича, Алекс ҳозирча оғир вазн тоифасига ўтмоқчи эмас", - деди Аспиналл.
Маълумот учун, UFC 300 турнири 14 апрель куни Лас-Вегасда ўтказилади. Турнирнинг марказий жанги расман ҳалигача эълон қилинмади.
Ҳавола :
Манба : olamsport.com
Фикрлар