06 сен 14:05
Янгиликлар

Футбол

"Астон Вилла" АПЛ антирекордини такрорлади

Англия Премьер-лигасининг 3-туридан ўрин олган "Халл Сити" ва "Астон Вилла" ўртасидаги 5 сентябрь кунги ўйин 0:0 ҳисобидаги дуранг билан якунланди.

Рақиблар бир-бирларининг дарвозасини ишғол қила олишмади ва очколарни бўлишиб олишди.

Унаи Эмери жамоасининг янги АПЛ мавсуми стартидаги голсиз ва ғалабасиз серияси давом этмоқда: бирмингемликлар жамғарилган 1 очко билан турнир жадвалида камтарона 17-ўринни эгаллаб туришибди.

Шу билан бирга, "Астон Вилла" кетма-кет икки мавсум давомида чемпионатнинг дастлабки учта ўйинида гол ура олмаган Англия олий дивизиони тарихидаги иккинчи жамоага айланиб, тарихий антирекордни такрорлади. Аввалроқ бундай салбий кўрсаткич фақат "Ипсвич Таун"да 1969/70 ва 1970/71 йилги мавсумларда қайд этилган эди, деб хабар беради Squawka.