21 июл 17:53
Янгиликлар

Спорт курашлари

Асу Алмабаев RAF Лигасидаги илк жанги эълон қилинди

Қозоғистонлик аралаш жанг санъати устаси, UFC'нинг ўта енгил вазн тоифасидаги рейтингида юқори ўринларни эгаллаб келаётган Асу Алмабаев 22 август куни АҚШнинг Кливленд шаҳрида бўлиб ўтадиган RAF 12 (Real American Freestyle) турнирида иштирок этади.

Маълум қилинишича, Алмабаев мазкур мусобақада мезбон спортчи Жонни ДиЖулиусга қарши баҳс олиб боради. Учрашув эркин кураш қоидалари асосида ташкил этилади.

Асу Алмабаев июнь ойида UFC Fight Night турнирида америкалик Чарльз Жонсон устидан ишончли ғалабага эришган эди. Энди эса у илк бор октагондан ташқарида, янги форматдаги беллашувда ўз имкониятларини синовдан ўтказади.

Эслатиб ўтамиз, 22 август куни ўтадиган RAF 12 турнирининг марказий баҳсида таниқли америкалик курашчи Жордан Барроуз ҳамда UFC жангчиси Шон Брэди ўзаро куч синашади. Шунингдек, мусобақа дастуридан Колби Ковингтон – Белал Муҳаммад қарама-қаршилиги ҳам ўрин олган.