"Атлетико" Куртуага буюм отган мухлисларни кечирмади

Бунга "Реал" посбони Тибо Куртуа манзилига бир нечта буюмдан ташқари, унинг "томорқасига отилган" кўплаб ҳақоратли сўзлар ҳам сабаб бўлди.

"Ўтган ҳафтанинг якшанба куни дербида бўлган нохуш ҳолат борасида ишлар олиб бордик ва безориларни аниқлаб, икки кишини топишга муваффақ бўлдик. Уларнинг иккиси ҳам клубнинг фан-клубидаги шахслар ва улар умрбод стадионга келишдан маҳрум қилинишди. 

"Атлетико" бўлган воқеликлар учун ҳеч қандай баҳона топмайди. Бу клубнинг имижига жиддий таъсир кўрсатганини маълум қилади. Шунингдек, шундай ишларни қиладиган инсонларга санкциялар қўйиш асосий сиёсати бўлишини тасдиқлайди", - деб ёзилади клуб баёнотида.