22 янв 07:20
Янгиликлар

Футбол

"Атлетико" Ла Лигада 7 очколик фарқ ва захирадаги ўйин билан "Реал"ни ортда қолдирмоқда

"Атлетико" Испания чемпионати доирасидаги ўйинда "Эйбар"ни сафарда мағлуб этди.

Мадридликлар учрашувнинг 12-дақиқасидаёқ гол ўтказиб юборишганди.

Бироқ Луис Суарес танаффусгача ҳисобни тенглаштирди, 89-дақиқада эса пенальтидан жамоасини олдинга олиб чиқди.

Жамоа Ла Лигада кетма-кет олтинчи ғалабасига эришиб, турнир жадвалидаги етакчилигини мустаҳкамлаб олди.

Эндиликда "Атлетико" иккинчи ўриндаги "Реал"ни 7 очкога ортда қолдирмоқда. Шу билан бирга жамоа битта ўйин кам ўтказган. Учинчни ўриндаги "Барселона" билан фарқ эса 10 очкони ташкил этмоқда.