04 мар 09:55
Янгиликлар

Футбол

"Атлетико" Ракитич билан музокара ўтказди

"Барселона" ярим ҳимоячиси Иван Ракитич каталон клубини тарк этишга яқин турибди.

Маҳаллий "Marca" нашри хабарига кўра, "Атлетико" мутасаддилари Ракитич билан ёзда шартнома имзолаш борасида музокара ўтказган. 31 ёшли хорватиялик футболчи Испанияда қолишни хоҳламоқда, шу туфайли мадрид жамоаси унга битим таклиф қилишга тайёр.

Маълумот учун, ярим ҳимоячи Испания примьеросининг жорий мавсумида 20та ўйинда майдонга тушган.