"Атлетико" таркибни тубдан янгилайди

"Атлетико" мавсум оралиғида ўз таркибини буткул янгиламоқчи, деб хабар берди "Cadena SER". "Матрасчилар" футболчиларни эркин агент сифатида қўйиб юборади ёки бош мураббий Диего Симеоненинг режаларига кирмаган ўйинчиларни сотади.

Клуб дарвозабон Ян Облак, ҳимоячилар Науэль Молина ва Хосе Мария Хименес, ярим ҳимоячилар Родриго Де Пауль, Маркос Льоренте, Коке, Артур Вермерен ва Пабло Барриос, шунингдек, ҳужумчилар Родриго Рикельме, Самуэл Лино ва Антуан Гризманнга ишонч билдиради.