31 дек 19:05
Янгиликлар

Теннис

ATP Cup. Испания терма жамоаси сардорида коронавирус аниқланди

Теннис бўйича Испания терма жамоаси сардори Даниэль Химено-Травернинг коронавирусга топширган тести ижобий натижа берди.

Испанлар Австралияда ўтказиладиган ATP Cup турнирида иштирок этади. Травер нафақат Испания терма жамоаси сардори, балки жамоа етакчиси Роберто Баутиста-Агутнинг мураббийи ҳам ҳисобланади.

Эслатиб ўтамиз, бу Испания учун биринчи йўқотиш эмас. Аввалроқ, теннис афсонаси Рафаэль Надалнинг ҳам коронавирусга чалингани боис ATP Cup турнирида қатнашмаслиги маълум бўлганди.