01 янв 13:23
Янгиликлар

Теннис

ATP Cup. "Яраланган" Испания ғалаба билан бошлади

Австралияда терма жамоалар ўртасидаги ATP Cup турнири старт олди.

Коронавирусга чалинган Рафаэль Надаль ва Даниэль Химено-Траверсиз Яшил қитъага ташриф буюрган Испания терма жамоаси гуруҳ босқичининг илк учрашувида Чилидан 3:0 ҳисобида устун келди.

Биринчи учрашувда Пабло Карреньо-Буста рақиби Алехандро Табилони мағлубиятга учратди - 6/4, 7/6(4).

Испанияга иккинчи очкони Роберто Баутиста-Агут Кристиан Гаринни мағлуб этиш орқали келтирди - 6/0, 6/3.

Жуфтликлар баҳсида Алехандро Давидович Фокина ва Педро Мартинес тандеми Алехандро Табило ҳамда Марсело Барриос ҳамкорлигини енгди - 7/6(3), 4/6, 10:7.