ATP рейтинги. Ҳумоюн Султонов 8 поғона юқорилади, Топ-10`да битта ўзгариш

Ўтган ҳафта Таиланддаги "Челленжер" турнирида чорак финалга қадар етиб борган Ҳумоюн Султонов 8 поғона юқорилаб, 215-ўринни эгаллаб турибди. Мамлакатимизнинг биринчи ракеткаси кеча ўз фаолиятида илк бор Австралия Очиқ чемпионатида муваффақиятли старт олган эди. Иккинчи ракеткамиз Сергей Фомин ҳамда тўртинчи рақамли теннисчимиз Амир Милушев 1 ўринга юқорилади. Максим Шин ўз ўрнида ўзгаришсиз қолди. Раҳимбек Иброҳимов эса 4 поғонага пастлади.  

Дунё теннисчиларининг Топ-10`талигида битта ўзгариш кузатилди. Австралиялик Алекс Де Минаур ва россиялик Андрей рублёв ўзаро ўрин алмашиб олишди. Ўтган мавсумни юқори савияда ўтказган Якуний турнир чемпиони Янник Синнер ҳамон жуда катта фарқ билан пешқадамликни давом эттирмоқда. Кучли учликдан германиялик Александр Зверев ва испаниялик Карлос Алькараз жой олган. 

ATP рейтинги. 6 январь ҳолатига кўра Топ-10:

1. (1) Янник Синнер (Италия) - 11830 очко

2. (2) Александр Зверев (Германия) - 7635

3. (3) Карлос Алькараз (Испания) - 7010

4. (4) Тэйлор Фритц (АҚШ) - 5350

5. (5) Даниил Медведев (Россия) - 5030

6. (6) Каспер Рууд (Норвегия) - 4210

7. (7) Новак Жокович (Сербия) - 3900

8. (9) Алекс Де Минаур (Австралия) - 3535

9. (8) Андрей Рублёв (Россия) - 3520

10. (10) Григор Димитров (Болгария) - 3200...

Ўзбекистонлик теннисчиларнинг АТР рейтингидаги ўрни:

215 (223). Ҳумоюн Султонов - 265 

574. (575). Сергей Фомин - 60 

1134. (1134). Максим Шин - 9 

1543Т (1544T). Амир Милушев - 3 

2017Т (2013T). Раҳимбек Иброҳимов - 1