ATP рейтинги. Жокович 8-маротаба мавсумни пешқадам сифатида якунлади, Ҳумоюн 11, Фомин 19 поғонага пастлади

Кучли ўнталикда ҳеч қандай ўзгариш кузатилмади. Якуний ATP турнирида чемпион бўлган Новак Жокович катта фарқ билан рейтингни бошқармоқда. Айнан сербиялик теннис юлдузи саккизинчи бор мавсумни рейтинг пешқадами сифатида якунлади. Карлос Алькарас иккинчи ўринни эгаллаб турган бўлса, россиялик Даниил Медведев кучли учликка якун ясаган. 

Теннисчиларимизнинг аксариятида пасайиш кузатилди. Биринчи ракеткамиз Ҳумоюн Султонов 11 поғонага пастлаб, айни пайтда 100 очко билан 436-ўринни эгаллаб турибди. Иккинчи ракеткамиз Сергей Фомин эса 19 поғона қуйига шўнғиб, 723-ўринни банд этди. Денис Истомин ўтган ҳафтадаги ўрнида қолди. Максим Шин 2, Санжар Файзиев 4 поғонага кўтарилди. Амир Милушев 42 ўринга пастлади. 

ATP рейтинги. 2023 йил 20 ноябрь ҳолатига кўра Топ-10:

1. (1) Новак Жокович (Сербия) - 11245 очко

2. (2) Карлос Алькараз (Испания) - 8855 

3. (3) Даниил Медведев (Россия) - 7600

4. (4) Янник Синнер (Италия) - 6490

5. (5) Андрей Рублёв (Россия) - 4805

6. (6) Стефанос Циципас (Греция) - 4235

7. (7) Александр Зверев (Германия) - 3985

8. (8) Хольгер Руне (Дания) - 3660

9. (9) Хуберт Гуркач (Польша) - 3245

10. (10) Тэйлор Фритц (АҚШ) - 3100

Ўзбекистонлик теннисчиларнинг АТР рейтингидаги ўрни:

436 (425). Ҳумоюн Султонов - 100

723 (704). Сергей Фомин - 36

1165 (1165). Денис Истомин - 6

1475Т (1477Т). Максим Шин - 3

1541T (1545T). Санжар Файзиев - 2

1966Т (1924T). Амир Милушев - 1