ATP рейтинги. Жокович яна тахтга қайтди. Топ-10`да 9 та ўзгариш, Султонов иккинчи ракеткамизга айланди

Унда бир нечта эътиборга молик ўзгаришлар кузатилди. Australian Open 2023 ғолиби Новак Жокович қўлга киритилган 2000 очко эвазига яна рейтинг пешқадамига айланди. Сербиялик теннис юлдузи 5-поғонадан 1-ўринга кўтарилиб олди. Испаниялик Карлос Алькараз эса 2-ўринга пастлади. Мусобақа финалчиси Стефанос Циципас бир поғона юқорилаб, 3-ўринга жойлашди. 

Топ-10 теннисчилари орасида биргина Феликс Оже ўз ўрнини сақлаб қолди. Канадалик 7-ўринни эгаллаган. Қолган барча теннисчилар ўзаро жой алмашишган. Ўтган йилги чемпионлик унвонини ҳимоя қила олмаган Рафаэль Надаль 1955 очко йўқотиб, 2-ўриндан 6-поғонага тушиб кетди. Аввалги рейтингда 8-ўринда бўлган Даниил Медведев (Россия) Топ-10`ни тарк этди (12-ўрин).     

Мамлакатимизнинг биринчи ракеткаси Сергей Фомин ўтган ҳафтадаги ўрнига нисбатан 4 поғонага пастлаб, айни пайтда 366-ўринни эгаллаб турибди. Янгиланган рейтингда Ҳумоюн Султонов иккинчи ракеткамизга айланиб олди. Кеча у Қувайтдаги турнир вице-чемпионига айланган эди. Денис Истомин эса аксинча 18 поғонага пастлади. Максим Шин ўз ўрнида қолди. Санжар Файзиев 8, Мустафа Дўстов 5, Раҳимбек Иброҳимов 4, Азиз Дадабоев эса 89 поғонага юқорилаган.  

ATP рейтинги. 30 январь кунги ҳолат

1. (5) Новак Жокович (Сербия) - 7070 очко

2. (1) Карлос Алькараз (Испания) - 6730 

3. (4) Стефанос Циципас (Греция) - 6195

4. (3) Каспер Рууд (Норвегия) - 5765

5. (6) Андрей Рублёв (Россия) - 4200

6. (4) Рафаэль Надаль (Испания) - 3815

7. (7) Феликс Оже (Канада) - 3715

8. (9) Тэйлор Фритц (АҚШ) - 3410

9. (10) Хольгер Руне (Дания) - 3046

10. (11) Хуберт Гуркач (Польша) - 2995

Ўзбекистонлик теннисчиларнинг АТР рейтингидаги ўрни:

366 (362). Сергей Фомин - 130

480 (491). Ҳумоюн Султонов - 80 

492 (474). Денис Истомин - 75

1107 (1107). Максим Шин - 8

1166 (1174). Санжар Файзиев - 6

1502 (1507) Мустафа Дўстов -2

1640 (1644) Раҳимбек Иброҳимов - 1 

1717 (1806). Азиз Дадабаев - 1