ATP рейтинги. Милушев 354, Шин 169 поғонага кўтарилди, Файзиев эса рейтингдан чиқарилди

Икки ҳафта давом этган Индиан-Уэллс "Мастерс" турнири сабаб 11 март куни рейтинг янгиланмаган эди. Бу ҳафта дунё теннисчилари кучли ўнталигида иккита ўзгариш кузатилди. Германиялик Александр Зверев россиялик Андрей Рублёв билан, Норвегиялик Каспер Рууд эса польшалик Хуберт Гуркач билан ўзаро ўрин алмашиб олди. 

Қолган теннис юлдузлари эса ўтган ҳафтадаги ўз ўринларини сақлаб қолишди. Новак Жокович рейтингда ҳамон пешқадамлик қиляпти. Индиан-Уэллсда чемпионлик унвонини ҳимоя қилган Карлос Алькараз ўз ўрнини сақлаб қолди. Яъни, у ўтган йилги чемпионлик 1000 очкосини ҳам ҳимоя қилди.  

Мамлакатимизнинг биринчи ракеткаси Ҳумоюн Султонов икки поғонага пастлади. Келишилган ўйинларга алоқадорликда айбланиб, 3,5 йилга теннис фаолиятидан четлатилган ҳамда 15 000 доллар жаримага тортилган Санжар Файзиев ATP рейтингидан чиқарилди. Амир Милушув оз эмас, кўп эмас, 354, Максим Шин эса 169 поғонага кўтарилиб олди. 

ATP рейтинги. 18 март ҳолатига кўра Топ-10:

1. (1) Новак Жокович (Сербия) - 9725 очко (+50 очко)

2. (2) Карлос Алькараз (Испания) - 8805 

3. (3) Янник Синнер (Италия) - 8310 (+40 очко)

4. (4) Даниил Медведев (Россия) - 7765 (+50 очко)

5. (6) Александр Зверев (Германия) - 5060 (+110 очко)

6. (5) Андрей Рублёв (Россия) - 5970 (-40 очко)

7. (7) Хольгер Руне (Дания) - 3875 (+155 очко)

8. (9) Каспер Рууд (Норвегия) - 3560 (+155 очко)

9. (8) Хуберт Гуркач (Польша) - 3370 (-35 очко)

10. (10) Алекс Де Минаур (Австралия) - 3300 (+90 очко)

Ўзбекистонлик теннисчиларнинг АТР рейтингидаги ўрни:

331 (329). Ҳумоюн Султонов - 157

674. (674). Сергей Фомин - 46

1282Т. (1451Т). Максим Шин - 5 (+2)

1502Т (1489T). Денис Истомин - 2

1618Т (1972T). Амир Милушев - 2 (+1 очко)