ATP рейтинги. Наҳотки!? Фомин 24, Султонов 65 поғонага юқорилади

Қувонарлиси, бу сафар икки етакчи теннисчимиз рейтингдаги ўринларини бирмунча яхшилаб олишди. Мамлакатимизнинг биринчи ракеткаси Сергей Фомин 24, учинчи ракеткамиз Ҳумоюн Султонов эса 65 поғонага юқорилашга муваффақ бўлди. Фомин 11, Султонов 7 очкони ўз ҳисобига қўшиб қўйди. Амир Милушев ўтган ҳафта билан таққослаганда 3 поғонага юксалишга эришди. 

Афсуски, қолган олти нафар теннисчимиз рейтингда сезилар-сезилмас пастлашди. Украинадан маҳаллийлаштирилган ва иккинчи ракеткамизга айланиб олган Никита Белозорцев 3, Батир Сапаев, Илья Игнатов, Абдулазиз Усмонжонов ва Дамир Абдусамадов аввалги рейтинг ўринларидан 2 поғона йўқотишди.

Дунё теннисчиларининг Топ-10`талигида битта ўзгариш кузатилди. Америкалик Тэйлор Фриц австралиялик ҳамкасби Алекс де Минаур билан ўзаро ўрин алмашиб олди. Қолган етакчи теннисчилар ўтган ҳафтадаги ўз ўринларини сақлаб қолишди. Италиялик Янник Синнер рейтинг пешқадами бўлиб турган бўлса, кучли учликдан испаниялик Карлос Алькарас ва германиялик Александр Зверев жой олган. 

ATP рейтинги. 20 апрель кун ҳолатига кўра Топ-10:

1 (1). Янник Синнер (Италия) — 13 350 очко.

2 (2). Карлос Алькарас (Испания) — 12 960.

3 (3). Александр Зверев (Германия) — 5255.

4 (4). Новак Жокович (Сербия) — 4710.

5 (5). Феликс Оже Альяссим (Канада) — 3950.

6 (6). Бен Шелтон (АҚШ) — 4070.

7 (8). Тэйлор Фриц (АҚШ) — 3870.

8 (7). Алекс де Минаур (Австралия) — 3845.

9 (9). Лоренцо Музетти (Италия) — 3715.

10 (10) Даниил Медведев (Россия) — 3560…

Ўзбекистонлик теннисчиларнинг АТР рейтингидаги ўрни:

359 (383). Сергей Фомин — 139 (+11)

779 (776). Никита Белозерцев — 36  

806 (871). Ҳумоюн Султонов — 34 (+7)

969 (968). Максим Шин — 19 

1379Т (1382Т). Амир Милушев — 5

1868Т (1866Т). Батир Сапаев — 1   

1958Т (1956Т). Илья Игнатов — 1 

1958Т (1956Т). Абдулазиз Усмонжонов — 1

2057Т (2055Т). Дамир Абдусамадов — 1