ATP рейтинги. Шанхай "Мастерс" ғолиби 164 поғона кўтарилди. Етакчи теннисчиларимиз ҳам юқорилашди

Янгиланган рейтингдан 8 нафар теннисчимиз жой олган. 19 ёшли Илья Игнатов илк бор ATP рейтингига кирди. У ҳозирда Ўзбекистоннинг олтинчи ракеткаси бўлиб турибди. Мамлакатимизнинг биринчи ракеткаси Ҳумоюн Султонов 3, иккинчи раккеткамиз Сергей Фомин 2, учинчи ракеткамиз Максим Шин эса 17 поғонага юқорилашга муваффақ бўлди.  Амир Милушев 9, Батир Сапаев 4, Абдулазиз Усмонжонов 3 поғонага пастлади. Дамир Абдусамадов ўз ўрнида ўзгаришсиз қолди. 

Дунё теннисчиларининг Топ-10`талигида битта ўзгариш кузатилди. Италиялик Лоренцо Музетти ва британиялик Жек Дрэйпер ўзаро ўрин алмашиб олишди. Шанхай "Мастерс" турнирида катта шов-шув кўтариб, якунда чемпион бўлган монегасклик Валентен Вашеро 164 поғонага кўтарилиб, 40-ўринга жойлашди. У фаолиятида илк бор Топ-100`таликда дебют қилди. Ушбу турнир финалчиси франциялик Артюр Риндеркнеш илк бор Топ-30`таликка кирди. Испаниялик Карлос Алькарас ҳамон рейтинг пешқадами бўлиб турибди. 

ATP рейтинги. 13 октябрь кун ҳолатига кўра Топ-10:

1. (1) Карлос Алькарас (Испания) - 11 340 очко (-200)

2. (2) Янник Синнер (Италия) - 10 000 (-950)

3. (3) Александр Зверев (Германия) - 5930 (-50)

4. (4) Тэйлор Фриц (АҚШ) - 4645 (-350)

5. (5) Новак Жокович (Сербия) - 4580 (-250)

6. (6) Бен Шелтон (АҚШ) - 4100 (-90)

7. (7) Алекс де Минаур (Австралия) - 3935 (+200)

8. (9) Лоренцо Музетти (Италия) - 3645 (+90)

9. (8) Жек Дрэйпер (Буюк Британия) - 3590

10. (10) Карен Хачанов (Россия) - 3190…

Ўзбекистонлик теннисчиларнинг АТР рейтингидаги ўрни:

400 (397). Ҳумоюн Султонов - 122 

490 (492). Сергей Фомин - 88 (+2)

1001 (1018). Максим Шин - 15 (+1)

1345Т (1336Т) Амир Милушев - 5

1811Т (1807Т). Ботир Сапаев - 1   

1906Т Илья Игнатов - 1 (+1)

1906Т (1903Т) Абдулазиз Усмонжонов - 1

1993Т (1993Т). Дамир Абдусамадов - 1